Белата боја е за чистотата
и душата нејзина,
а сината за небото бескрајно
што се огледа во езерската ширина.
Зелената е за плодните полиња
и шумите борови и дабови,
а кафената е за земјата
што не храни и чува со векови.
Аловата е за јунаците
што родината ги дала,
а црната за годините на ропството
и борбата за слободата сонувана.
Жолтата е за сонцето сјајно
што не грее и живот ни дава,
а сребрената и златната боја
се за книгите во кои приказната нејзина е запишана
и со крвта на поколенијата запечатена.
