Видов еден човек со две леви кондури на нозете
И просто се чудев како можел левата кондура
Да ја обуе на десната нога кога големиот прст
Е кај малиот прст и подобро пресечи го отколку да влезе лесно
Знам дека има луѓе на кои срцето им е од десната страна
Но небото никогаш не е под туку над облаците
И затоа попусто шетав низ градот барајќи го човекот
Со две исти такви кондури но десни и на двете нозе
А подобро ќе беше веднаш да тргнев кон продавниците
За чевли и да прашував случајно да не почнале
Да продаваат само по две исти кондури и за двете нозе
А само јас да носам една лева и замислете друга десна кондура!
Скопје, 29.4.2020 година
